शूरा वयं धीरा वयं वीरा वयं सुतराम्‌।
गुणशालिनो बलशालिनो नयगामिनो नितराम्‌॥ध्रु॥
दृढमानसा गतलालसा प्रियसाहसा सततम्‌।
जनसेवका अतिभावुका शुभचिन्तका नियतम्‌॥१॥

धनकामना सुखवासना न च वन्चना हृदये।
ऊर्जस्वला वर्चस्वला अतिनिष्चला विजये॥२॥

गतभीतयो धृतनीतयो दृढशक्तयो निखिलाः।
यामो वयं समराङ्गणं विजयार्थिनो बाला॥३॥

जगदीश हे परमेश हे सकलेश हे भगवन्‌।
जयमङ्गलं परमोज्ज्वलं नो देहि हे भगवन्‌॥४॥

śūrā vayaṁ dhīrā vayaṁ vīrā vayaṁ sutarām |
guṇaśālino balaśālino nayagāmino nitarām ||dhru||

dṛḍhamānasā gatalālasā priyasāhasā satatam |
janasevakā atibhāvukā śubhacintakā niyatam ||1||

dhanakāmanā sukhavāsanā na ca vancanā hṛdaye |
ūrjasvalā varcasvalā atiniṣcalā vijaye ||2||

gatabhītayo dhṛtanītayo dṛḍhaśaktayo nikhilāḥ |
yāmo vayaṁ samarāṅgaṇaṁ vijayārthino bālā ||3||

jagadīśa he parameśa he sakaleśa he bhagavan |
jayamaṅgalaṁ paramojjvalaṁ no dehi he bhagavan ||4||